«Լուկակուին 85 մլն եվրոյով գնելը խենթություն է». Կասանո
Իտալիայի ազգային հավաքականի նախկին հարձակվող Անտոնիո Կասանոն հայտնել է իր կարծիքը «Մանչեսթեր Յունայթեդի» հարձակվող Ռոմելու Լուկակուի մասին:
Բելգիացու համար, հիշեցնենք, որ պայքարում է «Ինտերը»:
««Ինտերն» ունի լավագույն խաղացողները պահեստայինների նստարանին: Կոնտեն թիմը կարող է մոտեցնել «Յուվենթուսին» և իրոք պայքարել Սկուդետոյի համար:
Սպասվում է շատ գրավիչ մրցաշրջան Ա Սերիայում՝ Մաուրիսիո Սարիի և Կոնտեի հետ: Ցավոք, Մաքս Ալեգրին գնացել է, բայց նա կվերադառնա մեծ ակումբ:
Անձամբ ես չեմ սիրում Լուկակուին՝ որպես խաղացողի: Լուկակուին 85 մլն եվրոյով գնելը խենթություն է: Ես դա ասում եմ՝ որպես երկրպագու, բայց ես Իկարդիին կտայի «Յուվենթուսին»՝ Իգուաինի համար:
Եթե ես աշխատեի «Ինտերի» կազմում, ես դա կանեի, քանի որ Իկարդին պարզապես բեռ է նրանց ուսերին»,- ասել է Կասանոն:
Սիրարփի Աղաբաբյան
