Ալժիրի խորհրդարանի նախագահը հրաժարական է տվել. Al Arabiya
Ալժիրի Ազգային ժողովրդական ժողովի (խորհրդարանի) նախագահ Մուադ Բուշարեբը հրաժարական է տվել: Հուլիսի 2-ին այդ մասին հաղորդել է Al Arabiya հեռուստաալիքը: Հայտնի է, որ խորհրդարանի աշխատանքը հետագա 15 օրվա ընթացքում կղեկավարի Աբդարռազաք Թարիշը: Բուշարեբի պաշտոնաթողության պատճառների մասին չի հաղորդվում:
Ապրիլի 2-ին Ալժիրի նախագահ Աբդելազիզ Բուտեֆլիկան պաշտոնաթող եղավ բազմահազարանոց բողոքների ֆոնին: Պետության ժամանակավոր ղեկավար Աբդելքադեր Բենսալեհի լիազորությունների ժամկետը լրանում է հուլիսի 9-ին, հաղորդել է ՏԱՍՍ-ը:
