Մանվել Գրիգորյանը դատական նիստին մասնակցում է բժիշկների հսկողությամբ
Երևան քաղաքի ընդհանուր իրավասության դատարանում՝ Մնացական Մարտիրոսյանի նախագահությամբ, շարունակվում է ԱԺ նախկին պատգամավոր Մանվել Գրիգորյանի և նրա կնոջ՝ Նազիկ Ամիրյանի գործով դատական նիստը։
Ինչպես նախորդ դատական նիստին, այսօր ևս Մանվել Գրիգորյանին դատական նիստերի դահլիճ բերեցին բժիշկների հսկողությամբ և անվասայլակով, այնուհետև նրան անմիջապես միացրին թթվածնային սարք։
Հիշեցնենք, որ Մանվել Գրիգորյանն այս պահին բուժումը ստանում է «Նաիրի» բժշկական կենտրոնում։ Հունիսի 6-ին նրա առողջական վիճակը խիստ վատացել էր, որից հետո քրեակատարողական հիմնարկի «Դատապարտյալների հիվանդանոցից» տեղափոխել էին «Ս. Գրիգոր Լուսավորիչ» բժշկական կենտրոն, իսկ ՄԻԵԴ-ի որոշումից հետո՝ «Նաիրի» ԲԿ։
Զվարթ Խաչատրյան
