Սաուդյան Արաբիան հայտարարել է նավթամուղի վրա անօդաչուների հարձակման մասին
Սաուդյան Արաբիայի իշխանությունները հայտնել են, որ անօդաչուները հարված են հասցրել նավթամուղերից մեկին: Դա հետեւում է արաբական զանգվածային լրատվամիջոցների տեղեկատվությունից:
Ենթադրվում է, որ գրոհը ձեռնարկվել է եմենցի հուսի-խռովարարարների կողմից: Սաուդյան կողմի տվյալներով՝ դրանում գործի է դրվել յոթ անօդաչու թռչող ապարատ: Հարձակման ենթարկված խողովակաշարն Արեւելյան նահանգի հանքավայրերից հումքը մատակարարում է արեւմտյան ափի նավահանգիստ:
Սաուդյան Արաբիայի Aramco պետական նավթընկերությունը վնասի գնահատման եւ նորոգման համար դադարեցրել է նավթի մատուցումը խողովակաշարին եւ կատարվածն անվանել է «վախկոտ հարձակում, ահաբեկչական գործողություն եւ դիվերսիա», հաղորդել է «Ինտերֆաքսը»:
