Ոչ միայն Քոչարյանի գործը, այլ շատ հնչեղ քրեական գործեր ընթանում են ճնշումների ներքո. փաստաբան. yerevan.today
«Մենք ունենք մի պահանջ, հորդոր, խնդրանք՝ չխանգարել արդարադատության իրականացմանը, առանց այն էլ այս պահին արդարադատության իրականացումը խաթարված է, այդ ամենը տեսել ենք»,- դատարանի առջև բողոքի ցույցի ժամանակ ասաց ՀՀ երկրորդ նախագահի աջակիցներից փաստաբան Վահե Եփրիկյանը:
Փաստաբանը նշեց, որ չունի վստահություն ՀՀ դատական համակարգի նկատմամբ. «Այս պահին այն դատական համակարգը, որն այսպիսի ճնշումների ազդեցությսան տակ է, ես նման դատական համակարգի նկատմամբ վստահություն չունեմ, և այստեղ միայն Քոչարյանի գործը չէ, կան քրեական այլ հնչեղ գործեր, որոնք ընթանում են ճնշումների ներքո»,- ըստ yerevan.today-ի՝ ասաց նա:
