«Սուրբ Մարիամ» մանկապարտեզի ճակատագիրը կորոշվի առաջիկայում
Tsayg.am. Գյումրու «Սուրբ Մարիամ» մանկապարտեզն 88-ի երկրաշարժից հետո տնակային պայմաններում է գործում: Տարեցտարի մանկապարտեզն եղանակային անբարենպաստ պայմանների պատճառով քայքայվում է ,իսկ ձմռան ամիսներին գրեթե հնարավոր չէ ապահովել ջեռուցում: Սրանից զատ մանկապարտեզի գույքը բավական հնամաշ է:
Տնակային պայմանների պատճառով «Սուրբ Մարիամ» մանկապարտեզ մեծ թվով երեխաներ չեն հաճախում: Գյումրու համայնքապետարանի կրթության բաժինն առաջարկել է Հայաստանի տարածքային զարգացման հիմնադրամին սոցիալական ներդրումների եւ տեղական զարգացման ծրագրի շրջանակում ներառել մանկապարտեզն ու հիմնովին քարաշեն կառուցել այն:
