«Մեզ համար «Բարսելոնա»-ի դեմ խաղում ոչ-ոքի արդյունքը վատը չի լինի». Յուրգեն Կլոպ
Անգլիական «Լիվերպուլ»-ի գլխավոր մարզիչ Յուրգեն Կլոպի կարծիքով իր թիմի համար ոչ-ոքի արդյունքը Չեմպիոնների լիգայի կիսաեզրափակչի «Բարսելոնա»-ի դեմ խաղում վատ չի լինի:
«Մենք նպատակ ունենք «Կամպ Նոու» մարզադաշտում մեր լավագույն խաղը ցուցադրել: Որքան ուժեղ խաղանք, այնտեղ լավ մթնոլորտ կլինի մարզադաշտում: Մեզ համար ոչ-ոքի արդյունքը վատը չի լինի: Շատ ակումբները Կատալոնիա են գալիս հստակ պլանով, սակայն գլխին հարված ստացած հեռանում են»,- ասել է մասնագետը:
Կլոպի խոսքով` «Լիվերպուլ»-ի համար հրաշալի կլիներ միաժամանակ հաղթել թե Անգլիայի առաջնությունում, թե Չեմպիոնների լիգայում:
Ֆուտբոլի Չեմպիոնների լիգայի կիսաեզրափակչի շրջանակներում «Լիվերպուլ»-ը մայիսի 1-ին կհյուրընկալվի «Բարսելոնա»-ին: Հանդիպումը կմեկնարկի Երևանի ժամանակով 23:00-ին:
