Ըմբիշ Արսեն Հարությունյանը կպայքարի Եվրոպայի չեմպիոնի կոչման համար
Ազատ ոճի ըմբշաարտի Հայաստանի հավաքականի անդամ Արսեն Հարությունյանը կպայքարի Եվրոպայի չեմպիոնի կոչման համար:
Բուխարեստում ընթացող Եվրոպայի առաջնությունում 61 կգ քաշային կարգում Արսեն Հարությունյանը որակավորման փուլում 14:8 հաշվով հաղթել էր ուկրաինացի Վոլոդիմիր Բուրուկովին, այնուհետ 5:2 հաշվով գերազանցեց թուրք Ռեջեփ Թոփալին: Ապա կիսաեզրափակչում 10:4 հաշվով հաղթանակ տոնեց ռումինացի Նիկոլայ Օխլոպկովի նկատմամբ: Եզրափակչում Հարությունյանը կմրցի վրացի Բեկա Լոմտաձեի հետ:
Եզրափակիչը կկայանա ապրիլի 10-ին:
