«Պատժամիջոցներն անիմաստ են, եթե չլուսավորեն մարդկանց». Սաութգեյթը՝ ռասիզմի մասին
Անգլիայի հավաքականի գլխավոր մարզիչ Գարեթ Սաութգեյթը կարծիք է հայտնել, թե ինչպես է պետք պայքարել ռասիզմի դեմ:
«Պատժամիջոցներն անիմաստ են, եթե, բացի դրանից, մենք չօգնենք մարդկանց լուսավորվել:
Իմ երեխաները երբեք չեն մտածում այն մասին, թե որտեղ է ծնվել մարդը, ինչ լեզվով է խոսում և ինչ մաշկի գույն ունի:
Երիտասարդությունը, ում վրա ազդեցություն է թողնում բացառապես ավագ սերունդը, մեղավոր չէ: Այնպես որ, մենք պետք է հետևենք, որպեսզի յուրաքանչյուրը ճիշտ դաստիարակություն ստանա:
Ես այստեղ չեմ, որպեսզի քննադատեմ Չեռնոգորիայում տեղի ունեցածը, քանի որ մեր երկրում նման խնդիրներ ևս կան: Մեզ մոտ էլ դա կա»,- Սաութգեյթին է մեջբերում BBC-ն:
Պատրաստեց Անի Գաբուզյանը
