ԿԲ պահուստները մեկ տարում կրճատվել են 292,7 մլն դոլարով
Անդրադառնալով 168.am-ի «Կենտրոնական բանկի պահուստները դատարկվում են. Մեկ ամսում դրանք պակասել են 255 մլն դոլարով» հրապարակմանը՝ ՀՀ ԿԲ հասարակության հետ կապերի ծառայության ղեկավար Հարություն Բերբերյանը սխալ էր համարել պահուստների դինամիկան դիտարկել ամսական կտրվածքով. «Շատ ավելի ճիշտ է դինամիկան ներկայացնել տարվա կտրվածքով»:
Հետևելով պարոն Բերբերյանի խորհրդին՝ այդպես էլ անում ենք։ Եվ ի՞նչ։ Մեկ տարվա կտրվածքով Կենտրոնական բանկի միջազգային պահուստները կրճատվել են 292,7 մլն դոլարով։ Եթե 2018թ. հունվարին դրանք հասնում էին 2 մլրդ 286,9 մլն դոլարի, ապա այս տարվա հունվարին կազմել են 1 մլրդ 994,2 մլն դոլար։
ՀԱԿՈԲ ՔՈՉԱՐՅԱՆ
