Պակիստանը վերսկսեց գնացքների երթևեկությունը Հնդկաստանի հետ
Պակիստանի իշխանությունները մարտի 4-ին վերսկսել են Samjhota Express գնացքների երթեւեկությունը Հնդկաստանի եւ Պակիստանի միջեւ: Այդ մասին հայտնել է Nation թերթը: Նրա տվյալներով՝ գնացքը առավոտյան Լահորից մեկնել է Աթարի: Այն փոխադրում է 195 ուղեւորի: Գնացքը չվերթերն իրականացնում է երկուշաբթի եւ հինգշաբթի օրերին:
Պակիստանի եւ Հնդկաստանի հարաբերություններում լարվածության սրվելու պատճառով գնացքների երթեւեկությունը անորոշ ժամանակով դադարեցնելու Իսլամաբադի որոշումը հայտնի է դարձել փետրվարի 28-ին:Պակիստանի ԱԳ նախարարության հայտարարության համաձայն՝ գացքների երթեւեկությունը պետք է վերսկսվեր «այն բանից անմիջապես հետո, երբ կբարելավվի անվտանգության հետ կապված իրադրությունը»:
Հնդկաստանի եւ Պակիստանի հարաբերություններում տիրող ճգնաժամը կտրուկ սրվել է փետրվարի 14-ին, երբ մահապարտը Հնդկաստանի Ջամուի եւ Քաշմիրի հյուսիսային նահանգում իրեն պայթեցրեց ռազմականացված ոստիկանության ավտոշարասյան մերձակայքում:
Գրոհի պատասխանատվությունն ստանձնել է «Ջաիշ-ե-Մուհամադ» խմբավորումը, որի ղեկավարը՝ Մասուդ Ազհարը, ըստ Նյու Դելիի տեղեկատվության, գործում է Պակիստանում: Ահաբեկչական գործողության զոհ է դարձել 45 մարդ: Հնդկաստանի Պակիստանին մեղադրել է ահաբեկչական կազմավորումներին աջակցելու մեջ, Իսլամաբադն այդ մեղադրանքները հերքել է որպես «անապացույց», հաղորդել է ՏԱՍՍ-ը:
