ԱՄՆ-ը «Մինիթմեն-3» միջմայրցամաքային հրթիռի արձակում է իրականացրել
Միացյալ Նահանգներն իրականացրել է «Մինիթմեն-3» (Minuteman III) միջմայրցամաքային բալիստիկ հրթիռի (ՄԲՀ) փորձնական արձակում: Այդ մասին հայտնել են ԱՄՆ-ի ռազմաօդային ուժերը:
Հրթիռն արձակվել է Երեւանի ժամանակով ժամը 11:01-ին (ԱՄՆ-ի խաղաղօվկիանոսյան ժամանակով փետրվարի 5-ի 23:01-ին) ԱՄՆ-ի ռազմաօդային ուժերի Գլոբալ հարվածի հրամանատարության կողմից՝ Կալիֆոռնիայի նահանգի Վանդենբերգի ավիաբազայի հորանային արձակման կայանքից:
Առկա տվյալներով՝ միջմայրցամաքային բալիստիկ հրթիռի արձակման հրամանը տրվել է ԱՄՆ-ի օդուժի E-6B Mercury ինքնաթիռից, որը նախատեսված է ՄԲՀ-ի արձակման կայանքների հետ կապի պահուստային համակարգի ապահովման համար: Վանդենբերգի ավիաբազայից մեկնած օդանավը թռիչք է իրականացրել Լոս Անջելեսից արեւմուտք ընկած շրջանում Խաղաղ օվկիանոսի վրայով, հաղորդել է «Ինտերֆաքսը»:
