«ՊՍԺ-ն Չեմպիոնների լիգայի ֆավորիտն է, բայց մենք պատրաստ ենք». Լուկակու
Չեմպիոնների լիգայի 1/8 եզրափակչից առաջ «Մանչեսթեր Յունայթեդի» հարձակվող Ռոմելու Լուկակուն կիսվել է իր մտքերով: Հիշեցնենք, որ մանչեսթերյան ակումբը կխաղա ֆրանսիական ՊՍԺ-ի հետ:
«ՊՍԺ-ն Չեմպիոնների լիգայի ֆավորիտն է, բայց մենք պատրաստ ենք: Մենք ամեն ինչ կանենք և կտեսնենք, թե ինչ է կատարվում խաղադաշտում:
Մենք գիտենք, որ խաղալու ենք մի թիմի դեմ, որը համարվում է լավագույններից և Չեմպիոնների լիգայի ֆավորիտներից մեկը:
Տեսեք նրանց կազմը, նրանք ունեն շատ տաղանդավոր ֆուտբոլիստներ և լավ մարզիչ, լավ երկրպագուներ և ղեկավարություն, որն ունի ակումբի զարգացման հստակ ծրագիր: Շատ բարդ հանդիպում է լինելու»,- ասել է Լուկակուն:
Սիրարփի Աղաբաբյան
