«ԳԱԶել» մակնիշի ավտոմեքենան հայտնվել է գետում
Հունվարի 22-ին, ժամը 21:24-ին «911» ծառայությանը տեղեկություն է հաղորդվել, որ Մ-4 ավտոճանապարհի Դիլիջան-Իջևան հատվածի 10-րդ կմ-ին տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-4 ավտոճանապարհի Երևան-Իջևան հատվածի 107-րդ կմ-ին «ԳԱԶել» մակնիշի ավտոմեքենան (վարորդի ինքնությունը չի հաջողվել պարզել), բախվելով կայանած «Ford Transit» մակնիշի (վարորդը՝ Ա. Թ.) ավտոմեքենային, հայտնվել է գետում, իսկ «Ford Transit» մակնիշի ավտոմեքենան կիսով չափ կախվել է դեպի գետը. տուժածներ չկան:
Փրկարարները «Ford Transit» մակնիշի ավտոմեքենան ամրակապել են՝ կանխելով ընկնելու վտանգը:
