«Սիտջես» միջազգային մրցաշար. Մանուէլ Պետրոսյանը կես միավոր է զիջում առաջատարներին
Գրոսմայստեր Մանուէլ Պետրոսյանը Իսպանիայում տեղի ունեցող միջազգային մրցաշարի առաջատարներից է:
Իսպանիայում շարունակվում է «Սիտջես» խոշոր միջազգային մրցաշարը, որին մասնակցում են 183 շախմատիստ 41 երկրից: Մրցաշարի մասնակիցների թվում են հանրահայտ Վասիլի Իվանչուկը, Դմիտրի Անդրեյկինը, Էռնեստո Ինարկիևը, Կրիշնան Սաշիկիրանը և մի շարք այլ գրոսմայստերներ: Կայացած 4 տուրից հետո աղյուսակը գլխավորում են 4-ական միավոր վաստակած 3 շախմատիստ:
Նշենք, որ ֆավորիտներից և ոչ մեկը չի գտնվում առաջատարների շարքում: Սաշիկիրանը վաստակել է 3.5 միավոր, Անդրեյկինը և Ինարկիևը՝ 3-ական, իսկ Վասիլի Իվանչուկն իր ակտիվում գրանցել է միայն 2.5 միավոր:
