Մեծ Բրիտանիայի խորհրդարանը հրաժարվեց քննարկել վարչապետ Մեյին անվստահության քվե հայտնելու հարցը
Մեծ Բրիտանիայի կառավարությունը չի բավարարել երկրի վարչապետ Թերեզա Մեյին անվստահության քվե հայտնելու ընդդիմադիր Լեյբորիստական կուսակցության առաջնորդ Ջերեմի Քորբինի պահանջը: Այդ մասին հայտնել է Sky News հեռուստաալիքը՝ վկայակոչելով կառավարական աղբյուրներ:
«Մենք չենք պատրաստվում ժամանակ տրամադրել թատերական ներկայացման համար»,- հեռուստաալիքին հայտարարել են Բրիտանիայի կառավարությունում:
Քորբինն ավելի վաղ խորհրդարանում պահանջ 1ր ներկայացրել Մեյին անվստահության քվե հայտնելու հարցի վերաբերյալ:
Նա «անընդունելի» է համարել Brexit-ի պայմանների շուրջը Բրյուսելի հետ ձեռք բերված համաձայնագրի խորհրդարանական քվեարկությունը հաջորդ տարի հետաձգելու՝ նրա որոշումը, որը պետք է կայանար դեկտեմբերի 11-ին: Նրա կարծիքով՝ վարչապետին անվստահության քվե հայտնելու գործընթացը «միակ միջոցն» է, որպեսզի Brexit-ի գործարքի շուրջը քվեարկությունն անցկացվի այս շաբաթ:
