«Եթե Զիդանը ցանկանում է աշխատել թոփ-մակարդակում, ապա պետք է ընտրի Անգլիան». Վենգեր
«Արսենալի» նախկին գլխավոր մարզիչ Արսեն Վենգերը խորհուրդ է տվել Զինեդին Զիդանին գլխավորել անգլիական ակումբ:
«Այո, ես կցանկանայի տեսնել Զիդանին Անգլիայում: Այսօր, եթե ցանկանում ես աշխատել թոփ-մակարդակում, պետք է ընտրես Անգլիան:
Բայց կա որոշակի անորոշություն՝ կապված Բրեքսիթի հետ. կպահպանի՞ արդյոք ԱՊԼ-ն ֆինանսական գերակայությունը ֆուտբոլում: Շոտուվ կիմանանք:
Անգլիան միակ երկիրն է, որտեղ չեմպիոնության համար պայքարում է 6 ակումբ: Այլ լիգաներում չեմպիոնին կարելի է նշել արդեն դեկտեմբերին, իսկ Ֆրանսիայում՝ անգամ սեպտեմբերին:
Զիդանը բարդ ընտրության առաջ է կանգնած. նա աշխատել է աշխարհի մեծագույն թիմում, հիմա նա կարող է գնալ միայն երկրորդ մեծագույն ակումբը:
Նա պետք է որոշի՝ արդյո՞ք ցանկանում է գնալ մի թիմ, որը միանգամից պայքարելու է Չեմպիոնների լիգայում հաղթանակի համար, թե՞ պատրաստ է մասնակցել ակումբ կառուցելու երկարաժամկետ ծրագրին:
Նրա փոխարեն՝ ես կընտրեի երկրորդ տարբերակը»,- Վենգերին է մեջբերում beIN Sports-ն:
Պատրաստեց Անի Գաբուզյանը
