Վթարի ենթարկված բալետի պարող Վահագն Մարգարյանի վիճակը գնահատվում է ծայրահեղ ծանր
Վթարի ենթարկված բալետի պարող Վահագն Մարգարյանը գտնվում է թիվ 1 համալսարանական հիվանդանոցում: Այս մասին ֆեյսբուքյան իր էջում գրել է Երևանի Մխիթար Հերացու անվան պետական բժշկական համալսարան աշխատակազմի ղեկավար Շուշան Դանիելյանը:
«Երեկ երեկոյան, հարազատների նախաձեռնությամբ տուժողը «Արմենիա» հանրապետական բժշկական կենտրոնից տեղափոխվել է «Հերացի» թիվ 1 հիվանդանոցային համալիր։
Ներկա պահին տուժողի վիճակը գնահատվում է ծայրահեղ ծանր, նա գտնվում է վերակենդանացման բաժանմունքում: Բժիշկների գնահատմամբ, հիվանդի մոտ, վերջին ժամերի ընթացքում նկատվում է դրական դինամիկա:
Հիշեցնենք, որ վթարը տեղի է ունեցել նոյեմբերի 6–ին ժամը Երևան-Աշտարակ ճանապարհին։
Վահագն Մարգարյանը Լատվիայի մայրաքաղաք Ռիգայում տեղ է ունեցած Բալթյան 4-րդ միջազգային բալետային մրցույթում գլխավոր մրցանակի է արժանացել։ Նա նաև Հայաստանը ներկայացրել է «Պատանի պարողների Եվրատեսիլ» մրցույթում»,- գրել է նա:
Վթարի ենթարկված բալետի պարող Վահագն Մարգարյանը ներկա պահին գտնվում է թիվ 1 համալսարանական հիվանդանոցում:Երեկ երեկոյան,…
Gepostet von Shushan Danielyan am Mittwoch, 14. November 2018
