Disney-ը ծրագրում է վերաթողարկել «Կարիբյան ծովի ավազակները» ֆիլմը. Deadline
Disney կինոստուդիան սցենարիստներ Ռեթ Ռիզի եւ Պոլ Վեռնիքի հետ բանակցություններ է վարում «Կարիբյան ծովի ավազակները» արկածային ֆիլմաշարի վերաթողարկման շուրջ: Այդ մասին հայտնել է Deadline պորտալը:
Նյութի մեջ ասվում է, որ «պրոդյուսեր Ջերի Բրուքհայմերը կշարունարի աշխատանքը ֆրանշիզայի վրա, իսկ դերասան Ջոնի Դեփը, ամենայն հավանականությամբ, չի մասնակցի նկարահանուռմներին:
Ռիզը եւ Վեռնիքն ավելի վաղ սցենարներ են գրել «Դեդփուլի» երկու մասերի, «Բարի գալուստ Զոմբիլենդ»-ի եւ այլ ֆիլմերի համար:
Պորտալը նշում է, որ ֆրանշիզայի հինգ մասերը վերջին 14 տարվա ընթացքում կինոընկերությանը բերել են շուրջ 4,5 մլրդ դոլար, հաղորդել է ՏԱՍՍ-ը:
