Հրդեհ Գեղանիստում. մեկնել է երեք մարտական հաշվարկ
Հոկտեմբերի 17-ին` ժամը 13:20-ին, «911» ծառայությանը տեղեկություն է հաղորդվել, որ հրդեհ է բռնկվել Շիրակի մարզի Գեղանիստ գյուղի անասնագոմերից մեկում. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երեք մարտական հաշվարկ:
Պարզվել է, որ հրդեհը բռնկվել է Գեղանիստ գյուղի 1-ին փողոցի 2-րդ նրբանցքի տներից մեկին հարակից անասնագոմի տանիքում և ավտոտնակում:
Հրդեհը մեկուսացվել է ժամը 16:43-ին, մարվել՝ 19:29-ին:
Այրվել են մոտ 500 հակ անասնակեր և անասնագոմի տանիքը՝ ամբողջությամբ (մոտ 200 քմ): Հրդեհի հետևանքով տուժածներ չկան:
