«Տեղեկատվական և ինովացիոն տեխնոլոգիաների զարգացումը կարևոր քայլ է». Ագիբայ Սմագուլով
ՀՀ գիտությունների ազգային ակադեմիայում (ԳԱԱ) շարունակվում է ԱՊՀ գիտնականների II Ֆորումը:
Մասնակից երկրների ներկայացուցիչների խոսքով՝ կարևոր է ԱՊՀ երկրներում գիտական հետազոտությունների ճիշտ կազմակերպումը, գիտության զարգացման գործում առաջընթաց ապահովելը:
«Գիտեմ, որ Հայաստանում ցանկանում են զարգացնել տեղեկատվական և ինովացիոն տեխնոլոգիաները: Սա շատ կարևոր քայլ է, ԱՊՀ երկրները պետք է անպայման համագործակցեն ու առաջընթաց գրանցեն»,- 168.am-ի հետ զրույցում ասաց ԱՊՀ գործադիր կոմիտեի նախագահի տեղակալ Ագիբայ Սմագուլովը:
Բելառուսի ԳԱԱ ներկայացուցիչ Պյոտր Ալեքսանդրովիչը կարևորեց համագործակցությունը գիտատեխնիկական ոլորտում՝ նկատելով, որ կարևոր է ինովացիոն նախագծերը հովանավորելը:
Իսկ Սմագուլով Դինկենովիչն էլ հիմնարար և կիրառական գիտությունների զարգացման կողմնակից էր:
Բանախոսներն ընդգծեցին, որ իրենց երկրներում նույնպես կա կադրերի խնդիր:
«Անհրաժեշտ է շարունակել աշխատել գիտության հռչակման, գիտական գործունեության մեջ երիտասարդներին, դպրոցականներին ներգրավելու ուղղությամբ»,- ընդգծեց Դինկենովիչը:
Անի Կարապետյան
