Փաշինյանը կոչ է անում քաջալերել դեկտեմբերին արտահերթ ընտրություններ անցկացնելու օգտին հանդես եկած պատգամավորներին
Նիկոլ Փաշինյանն արձագանքել է Հանրապետական խմբակցության մի քանի պատգամավորների հայտարարություններին։
«Սիրելի հայրենակիցներ. անհրաժեշտ է քաջալերել և ոչ թե մեղադրել այն պատգամավորներին, ովքեր հանդես են գալիս գործող ԱԺ-ն լուծարելու և դեկտեմբերին արտահերթ ընտրություններ անցկացնելու օգտին:
Նրանք, ըստ էության, կատարում են ձեր պահանջը։ Քաջալերենք բոլոր նրանց, ովքեր ընդունում են, որ չկա ոչինչ ավելի բարձր՝ քան ժողովրդի կամքը։ Դուխո՛վ»,-գրել է Փաշինյանը։
Նշենք, որ խոսքը պատգամավորներ Գևորգ Կոստանյանի, Արման Սահակյանի ու Ալիկ Սարգսյանի մասին է:
