«Աշխարհի ժողովուրդներին հայ սերը և հայ սիրտը բաժանող մեծագույն առաջնորդ էր». Տիգրան Մանսուրյանը՝ Շարլ Ազնավուրի մասին
Մեծանուն հայ կոմպոզիտոր Տիգրան Մանսուրյանը մեծ ցավով է տեղեկացել աշխարհահռչակ շանսոնյե Շարլ Ազնվավուրի մահվան լուրը: Նա «Արմենպրես»-ի հետ զրույցում նշեց, որ Շարլ Ազնավուրի մահվամբ մեծագույն կորուստ վրա հասավ:
«Մեծագույն կորուստ վրա հասավ, և այլևս մեզ հետ չէ հայ-ֆրանսիական, հայ համաշխարհային երգի ասպետը, ով դեռ Երկրորդ համաշխարհային պատերազմից սկսած մինչև այսօր տիրապետող ուժ էր: Նա աշխարհի ժողովուրդներին հայ սերը և հայ սիրտը բաժանող մեծագույն առաջնորդն էր»,-ասաց Տիգրան Մանսուրյանը:
