ՔԿԾ պետն անցկացրել է քաղաքացիների ընդունելություն
Քրեակատարողական ծառայությունում ՀՀ ԱՆ քրեակատարողական ծառայության պետ, արդարադատության գնդապետ Արտյոմ Մխոյանի գլխավորությամբ տեղի է ունեցել քաղաքացիների հերթական ընդունելությունը: Ինչպես տեղեկացրին ՀՀ ԱՆ քրեակատարողական ծառայության հանրային կապերի բաժնից, հանդիպմանը եկած անձանց հարցերն ու խնդրանքները վերաբերել են ազատազրկված անձանց առողջական խնդիրներին և քրեակատարողական ծառայությունում աշխատանքի ընդունմանը:
Աշխատանքի տեղավորման խնդրանքով դիմել է նաև նախկին դատապարտյալ, ում ծառայության պետն առաջարկել է դիմել «Աջակցություն դատապարտյալին» հիմնադրամի տնօրենին, իսկ ծառայությունն իր լիազորությունների շրջանակներում կցուցաբերի իր աջակցությունը:
Ներկայացված առողջական խնդիրների վերաբերյալ ծառայության պետը տեղեկացրել է, որ օրենքի սահմաններում արվում է հնարավորը ազատազրկված անձանց պատշաճ բուժօգնություն ցուցաբերելու համար:
Ա. Մխոյանը, հստակ պատասխանելով քաղաքացիներին հուզող հարցերին, առաջարկել է դրանց լուծման հնարավոր բոլոր տարբերակները:
Քաղացիները շնորհակալություն են հայտնել ծառայության պետին ընդունելության և աջակցության համար:
