«Բելգիան կաշխատի հաղթել». Ազարը՝ Բրազիլիայի հետ կայանալիք խաղի մասին
Բելգիայի հավաքականի կիսապաշտպան Էդեն Ազարը կիսվել է ԱԱ-2018-ի 1/8 եզրափակչում Ճապոնիայի նկատմամբ տարած հաղթանակի (3:2) մասին մտքերով:
«Մեր խաղացողները կարողացան փոխարինման դուրս գալ և տարբերություն ստեղծել: Առայժմ մենք պարզապես ուրախ ենք, որ հաղթեցինք և հասանք: Մեր թիմը հրաշալի արձագանքեց իրավիճակին: Հնարավոր է՝ հենց այսպիսի հանդիպում էր մեզ անհրաժեշտ հետագա հաջողությունների համար:
Մենք կարող էինք արդեն դուրս մնացած լինել, բայց հասանք քառորդ եզրափակիչ: Բրազիլիայի հետ խաղը միշտ անհավանական ինչ-որ բան է: Բելգիան իսկապես կաշխատի հաղթանակ տանել»,- Ազարին է մեջբերում ՖԻՖԱ-ի պաշտոնական կայքը:
Պատրաստեց Անի Գաբուզյանը
