Կորել է Եղեգնավան գյուղի բնակիչը
Հունիսի 28-ին՝ ժամը 22:24-ին, «911» ծառայությանն ահազանգ է ստացվել, որ Արարատի մարզի Եղեգնավան գյուղի Շիրվանզադե փողոցի թիվ 44 տան բնակիչը (Ի. Ա., 2002 թ.) ս. թ. հունիսի 28-ին՝ ժամը 09:00-ի սահմաններում, տանից դուրս է եկել և չի վերադարձել: Անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Ժամը 22:50-ից 01:20-ը Եղեգնավան և Այգավան գյուղերի դաշտամիջյան հատվածում իրականացվել են որոնողական աշխատանքներ: Որոնողական աշխատանքներին մասնակցել են 3 փրկարար, 6 ոստիկան և Եղեգնավան գյուղի 30 բնակիչ:
Աշխատանքներն ավարտվել են անարդյունք:
Կտրվի լրացուցիչ տեղեկություն:
