Դատախազությունը Լիեժում տեղի ունեցած հրաձգությունը որակել է ահաբեկչություն
Դատախազությունը Լիեժում տեղի ունեցած հրաձգության հետաքննություն է սկսել հակաահաբեկչական հոդվածով: Այդ մասին մայիսի 29-ին կայացած մամուլի ասուլիսում հայտնել է բելգիական այդ քաղաքի ղեկավար Վիլլի Դեմեյերը: «Դատախազությունն այդ գործի հետաքննություն է սկսել՝ այդ դիտարկելով որպես ահաբեկչություն»,- ասել է նա:
Լիեժի կենտրոնում տեղի ունեցած հրաձգության հետեւանքով զոհվել է երկու ոստիկան, եւս երկուսը վերքեր են ստացել, բացի այդ զոհվել է կողքով անցնող մեքենայի ուղեւորը:
Բելգիայում հակաահաբեկչական պատրաստության մակարդակը պահպանվել է չորսբալանոց սանդղակի երկրորդ նշագծին: Լիեժ են ժամանել թագավորության վարչապետ Շառլ Միշելը, արդարադատության նախարար Կոեն Հենսը, ինչպես նաեւ ներքին գործերի նախարար Յան Յամբոնը, հաղորդել է ՏԱՍՍ-ը:
