Իլոն Մասքը Pravda կայք է ստեղծելու ԶԼՄ-ների հրապարակումների արժանահավատություը գնահատելու համար
SpaceX եւ Tesla ընկերությունների ղեկավար Իլոն Մասքը հայտնել է այնպիսի ծառայություն ստեղծելու մտադրության մասին, որի միջոցով օգտատերերը կարողանան գնահատել զանգվածային լրատվամիջոցներում ցանկացած նյութի արժանահավատությունը եւ կազմել լրագրողների վարկանիշ:
«Պատրաստվում եմ ստեղծել կայք, որտեղ հասարակայնությունը կկարողանա գնահատել ցանկացած հոդվածի իսկությունը եւ ունենալ յուրաքանչյուր լրագրողի, խմբագրի եւ հրապարակման վստահության վարկանիշը: Մտադիր եմ այն անվանել Pravda…»,- գրել է ձեռնարկատերը Twitter-ի իր էջում:
Ավելի վաղ գործարարը Twitter-ում գանգատվել է, որ լրագրողները «գտնվում են մշտական ճնշման ներքո», որպեսզի հետաքրքրություն ապահովեն Համացանցում իրենց հրապարակումների նկատմամբ եւ գովազդից փող վաստակեն, հաղորդել է ՌԻԱ Նովոստին:
Going to create a site where the public can rate the core truth of any article & track the credibility score over time of each journalist, editor & publication. Thinking of calling it Pravda …
— gorklon rust (@elonmusk) May 23, 2018
