«Կուսակցության որևէ բաժանում չկա, սա մեր միասնական որոշումն է». ՀՀԿ-ն որոշել է վաղվա քվեարկությունը
«Մենք օժանադակելու ենք պատգամավորների 1/3-ի ստորագրությունն ունեցող վարչապետի թեկնածուին, տվյալ դեպքում՝ Նիկոլ Փաշինյանին։ Եթե ես չեմ սխալվում, Փաշինյանի օգտին հավաքվել է 45 ստորագրություն և Հայաստանի Հանրապետական խմբակցությունը համապատասխան քանակությամբ ձայներով կապահովի, որպեսզի մենք ունենանք վարչապետ։ Այդ ամենը լինելու է և եղել է կուսակցության և խմբակցության որոշմամբ, մենք ենք հորդորելու և արդեն հորդորել ենք այդ պատգամավորիներին, որ նրանք կողմ քվեարկեն։ Այստեղ որևէ կուսակցության բաժանում չկա, սա մեր միասնական որոշումն է»,- քիչ առաջ ՀՀԿ ԳՄ և խորհրդարանական խմբակցության նիստերից հետո լրագրողների հետ զրույցում հայտարարեց ՀՀԿ խոսնակ, Աժ փոխնախագահ Էդուարդ Շարմազանովը։
Նա չհստակեցրեց, թե կոնկերտ քանի ձայն է ապահովելու ՀՀԿ-ն՝ նշելով, որ եթե 45 ձայն արդեն կա, մնացածը՝ լինի 8, թե 10, իրենք կապահովեն։
Թե ովքե՞ր են կողմ քվեարկելու, ՀՀԿ խոսնակը նշեց, որ այդ մասին վաղը կասի խմբակցության ղեկավար Վահրամ Բաղդասարյանը։
