Մեսսիին պետք չէ հաղթել ԱԱ-ն՝ պատմության լավագույն ֆուտբոլիստը համարվելու համար
Արգենտինայի հավաքականի նախկին գլխավոր մարզիչ Սեսար Լուիս Մենոտեն համարում է, որ «Բարսելոնայի» հարձակվող Լիոնել Մեսսին արդեն հանդիսանում է ֆուտբոլի պատմության լավագույն ֆուտբոլիստներից մեկը:
«Դի Ստեֆանոն չի հաղթել ԱԱ-ն, նույն բանը կարելի է ասել նաև Օմար Սիվորիի մասին: Հուսով եմ, որ Մեսսին կկարողանա դառնալ աշխարհի չեմպիոն, բայց նրա պատմությունն արդեն գրված է գոլերի և 20 տիտղոսների օգնությամբ: Չեմ կարծում, որ նրան պետք է հաղթել Մունդիալը պատմության լավագույն ֆուտբոլիստներից մեկը համարվելու համար: Նա արդեն հանդիսանում է դրանցից մեկը»,- Մենոտեի խոսքերն է մեջբերում Marca-ն:
Պատրաստեց Անի Գաբուզյանը
