«Իմ վերջին չեմպիոնությունից 20 տարի չի անցել». Ժոզե Մոուրինիո
Յուրահատուկը դեռ ցույց կտա ատամները: «Մանչեսթեր Յունայթեդի» գլխավոր մարզիչ Ժոզե Մոուրինիոն վստահ է, որ կարող է ապագայում «Կարմիր սատանաներին» դարձնել Անգլիայի չեմպիոն:
«Ես հավատում եմ իմ աշխատանքին: Դա՝ հաստատ: Ես չհավատալու պատճառ չունեմ: Ութ տիտղոսն ութ տիտղոս է, երեք հաղթանակն ԱՊԼ-ում երեք հաղթանակ է ԱՊԼ-ում:
ԱՊԼ-ում իմ վերջին չեմպիոնությունից 20 տարի չի անցել: Դա եղել է 3 տարի առաջ: Ես գիտեմ՝ ինչպես հաղթել»,- Մոուրինիոյի խոսքերն է մեջբերում Sky Sports-ը:
Մոուրինիոն չեմպիոնության հասցրեց «Չելսիին» 2014-15թթ. մրցաշրջանում, բայց հեռացվեց կես տարի անց: Ժոզեն գլխավորեց «Մանչեսթեր Յունայթեդը» 2016 թվականին:
Պատրաստեց Անի Գաբուզյանը
