Մարուքյանը հանդիմանել է Գորգիսյանին թաշկինակով քիթը ծածկելու համար. «Հրապարակ»
«Հրապարակ» թերթը գրում է. «Լուսավոր Հայաստանից» Մանե Թանդիլյանի աշխատասենյակ մտանք այն պահին, երբ Էդմոն Մարուքյանը հանդիմանում էր Գեւորգ Գորգիսյանին` դու ինչի՞ էիր թաշկինակով քիթդ ծածկել, որ մի հատ էլ դա դառնա քննարկման առարկա: «Ալերգիա ունեմ, ծուխ չեմ կարողանում շնչել»: «Ընչի ընդդիմադիր մարդն ալերգիա՞ կունենա»,- չէր հանգստանում Մարուքյանը:
Ասել էիք, թե տեղյակ չեք, որ «ՔՊ»-ն նման ակցիա է անելու. կարո՞ղ ենք ասել, որ ծխաց ոչ միայն ԱԺ-ն, այլեւ «Ելքը», այսինքն` ձեր միջեւ կամուրջներն այրվեցին՝ հարցրինք Թանդիլյանին։
«Ամեն ինչ քննարկման թեմա է»: Ե՞րբ եք քննարկելու։ «17-ից հետո. կփորձենք ստանալ մեկնաբանություններ»: Ապահարզա՞ն կլինի։ «Եզրակացնելը Ձեր իրավունքն է, ես նման բան չասացի»:
Փաշինյանը մեզ ասել է, որ վարչապետի թեկնածու առաջադրելու թեման փակված չէ, ե՞րբ եք առաջադրելու՝ հարցրինք Մարուքյանին։ «Դեռ չգիտեմ, եթե ասել ա, որ փակված չի, ուրեմն փակված չի»:
Ամբողջությամբ կարող եք կարդալ թերթի այսօրվա համարում:
