Ռաուլը կգլխավորի «Ռեալի» պատանեկան թիմը
«Ռեալի» նախկին հարձակվող Ռաուլը կդառնա մարզիչ:
40-ամյա իսպանացին ապրիլին կստանա մարզչական լիցենզիա, ինչից հետո կգլխավորի պատանեկան թիմի երիտասարդական թիմը (մինչև 18 տարեկան), հաղորդում է Marca-ն:
Ռաուլն ակտիվորեն մասնակցում է «Ռեալի» կյանքին անցյալ տարվանից: Նա ուսումնասիրել է ակումբի պատանեկան թիմերը, մասնակցել է հիմնական թիմի մարզումներին, ինչպես նաև՝ թիմի հետ մեկնել է խաղերի:
Որպես խաղացող՝ Ռաուլը «Ռեալի» կազմում անցկացրել է 16 տարի՝ պաշտպանելով ակումբի գույները 1994-2010 թվականներին:
Պատրաստեց Անի Գաբուզյանը
