Netflix-ը «Թղթե տնակի» վերջին եթերաշրջանի թիզերը հրապարակել է առանց Քևին Սփեյսիի
Netflix-ը «Թղթե տնակի» (House of Cards) վեցերորդ եթերաշրջանի թիզերը հրապարակել է առանց Քեւին Սփեյսիի: Ընկերությունը տեսահոլովակը զետեղել է YouTube-ի պաշտոնական ալիքում։ Գլխավոր հերոսուհին դարձել է Քլեր Անդերվուդը, նրա դերը կատարում է Ռոբին Ռայթը: Նաեւ այս եթերաշրջանում կհայտնվեն Գրեգ Քինիրը եւ եւ Դայան Լեյնը:
«Թղթե տնակի» վեցերորդ եթերաշրջանը կդառնա եզարափակիչը: Դրա նկարահանումները դադարեցվել են 2017 թվականի հոկտեմբերի վերջին: Ավելի վաղ դերասան Էնթոնի Ռեփը Սփեյսիին մեղադրել էր սեռական ոտնձգությունների մեջ, որոնք իբր տեղի էին ունեցել շուրջ 30 տարի առաջ, երբ Ռեփը տակավին դեռահաս էր: Սփեյսին ինքն ասել է, թե չի հիշում դա, սակայն խոստովանել է իր համասեռամոլությունը: Սկանդալի պատճառով Netflix ընկերությունը խզել է դերասանի հետ բոլոր հարաբերությունները, հաղորդել է ՏԱՍՍ-ը:
