Արմեն Սարգսյանը՝ Երևանի քաղաքապետարանում տեղի ունեցած միջադեպի մասին

Արմեն Սարգսյանը՝ Երևանի քաղաքապետարանում տեղի ունեցած միջադեպի մասին

ՀՀ նախագահի թեկնածու առաջարկված Արմեն Սարգսյանը տեղյակ չէ նախօրեին Երևանի ավագանու նիստի ընթացքում գրանցված սկանդալային միջադեպին և չի ցանկանում մեկնաբանել այն` առանց խնդրին տեղյակ լինելու: Լրագրողների հետ զրույցում Արմեն Սարգսյանն ասաց, որ փետրվարի 13-ին՝ միջադեպի օրը, ինքը Գյումրիում է եղել:

«Երեկ ամբողջ օրը եղել եմ Գյումրիում և ամբողջությամբ ներգրավվել էի այդ քաղաքի խնդիրների մեջ` իր դժվարություններով, ցավերով, նաև` հաջողություններով: Եկեղեցում ինձ մի տարեց մարդ մոտեցավ և մարդկային ձևով պատմեց իր դժվարության մասին և խնդրեց, որ ես այն ներկայացնեմ հանրապետության նախագահին, ինչը ես պատրաստվում եմ անել: Այնպես որ, այդ միջադեպից տեղյակ չեմ: Երբ տեղեկանամ, կկարողանամ պատասխանել»,- ասաց Սարգսյանը:

Միաժամանակ Արմեն Սարգսյանն ասաց, թե ցանկացած բռնություն իր համար ընդունելի չէ. «Ես մարդ եմ, ով միշտ ցանկանում է գնալ երկխոսության, քննարկման և մարդկային հարաբերությունների ճանապարհով: Ցանկացած բռնություն վերևից ներքև և ներքևից վերև ինձ համար անընդունելի է»:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։