«Նա շատ խելացի է, փորձառու, արագաշարժ և ճկուն». Չեխը՝ Մխիթարյանի մասին

Մխիթարյանը այսօր կարող է իր նորամուտը նշել նոր թիմի կազմում: Նոր ակումբի ֆուտբոլիստները պարբերաբար գրառումներ են անում՝ նշելով, որ ցանկանում են խաղալ Մխիթարյանի հետ՝ համարելով նրան շատ լավ ֆուտբոլիստ:

Հենրիխի մասին է խոսել նաև «Արսենալի» դարպասապահ Պետր Չեխը:

Չեխը նշել է, որ հավատում է, որ Մխիթարյանի խաղը համապատասխանում է լոնդոնյան ակումբի խաղաոճին, և, որ Մխիթարյանը կարող է դրսևորել իրեն թիմում:

Չեխը խորհուրդ է տվել դիտել Մխիթարյանի խաղերը «Շախտյորում», Դորտմունդի «Բորուսիայում» կամ ազգային հավաքականում՝ տեսնելու, թե ինչ հրաշալի ֆուտբոլիստ է նա:

«Ես շատ եմ խաղացել նրա դեմ: Նա շատ խելացի է, փորձառու, արագաշարժ և ճկուն:

Կարծում եմ, որ նա այստեղ կկարողանա խաղալ ամենաբարձր մակարդակում»,- նշել է Չեխը:

Նշենք նաև, որ Մխիթարյանը Չեխի դեմ խաղացել է ոչ միայն ակումբներում, այլև ազգային հավաքականի կազմում: Չեխիայի հավաքականի հետ խաղում Մխիթարյանը դարձել էր գոլի հեղինակ:

Սիրարփի Աղաբաբյան