Բանանն իջեցնում է արյան ճնշումը, լավացնում է տեսողությունը, ուղեղի աշխատանքը…
Բանանը սննդարար պտուղ է, ինչի շնորհիվ մեծապես նպաստում է առողջությանը։ Fithacker.ru-ն ներկայացրել է, թե ինչու է հարկավոր այն օգտագործել։
Նպաստում է կալցիումի յուրացմանը։ Բանանը միացություններ է պարունակում, որոնք օգնում են ավելի լավ յուրացնել կալցիումն ու մագնիումը. այս հանքանյութերը հարկավոր են ոսկորների, ատամների, եղունգների ու մազերի ամրության համար։ Սրանք կապված են նաև աղիների միկրոֆլորայի կարգավորման հետ։
Իջեցնում է արյան ճնշումը։ Կալիումն օգնում է կարգավորել արյան ճնշումը, քանի որ լայնացնում է անոթները։
Օգնում է կանխարգելել ձղաձգումները։ Բանանը կարող է օգնել կանխարգելել ջղաձգումները, ամրացնել մկանները։
Լավացնում է տեսողությունը։ Բանանը ևս օգտակար է աչքերի առողջության համար։ Այն մեծ քանակով A վիտամին է պարունակում, որը հարկավոր է աչքերի առողջության պահպանման համար։
Լավացնում է ուղեղի աշխատանքը։ Բանանը վիտամիններ ու հանքանյութեր է պարունակում, որոնք լավացնում են ճանաչողական կարողություններն ու սովորելու ընթացքը։
Պայքար դեպրեսիայի դեմ։ Բանանը կարող է օգնել բարձրացնել տրամադրությունը, քանի որ տրիպտոֆան է պարունակում. այն օրգանիզմում վերածվում է սերոտոնինի, որն անվանում են երջանկություն հորմոն։ Այն բարձրացնում է տրամադրությունը։ Բանանը նաև B6 վիտամին է պարունակում, որը նպաստում է հանգստին՝ թուլացնելով մկաններն ու օգնելով ավելի լավ քնել։
Օգնում է փորկապության դեպքում։ Բանանն օգնում է կարգավորել աղիների ակտիվությունը՝ մեղմացնելով դիարեայի և փորկապության նշանները։ Այն պաշտպանում է աղիների միկրոֆլորան։
Օգտակար է ծխախոտ օգտագործողներին։ Բանանը հարուստ է B6 և B12 վիտամիններով, ինչի արդյունքում օգնում է ծխախոտ օգտագործած անձանց հսղթահարել նիկոտինի անբավարարությունը։
Առավոտը սկսելու հրաշալի միջոց է։ Քրոնիկ հոգնածությունը կարող է հաղթահարվել բանանով կոկտեյլի օգնությամբ. բանանը, կաթն ու մի գդալ մեղրը խառնելով՝ կստանաք կոկտեյլ, որը կօգնի արթնացնել օրգանիզմը։
Նյութը հրապարակման պատրաստեց 168.am-ը
