Անօգնական վիճակում հայտնաբերված քաղաքացին հոսպիտալացվել է
Հունվարի 8-ին, ժամը 08:56-ին տեղեկություն է ստացվել, որ Արմավիրի մարզի Էջմիածին քաղաքի Չարենցի փողոցի թիվ 9 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները բացել են բնակարանի դուռը, հյուրասենյակի հատակին անօգնական վիճակում հայտնաբերել 1931 թ. ծնված Ե. Վ.-ին և մոտեցրել շտապօգնության ավտոմեքենային, ով հոսպիտալացվել է Էջմիածին քաղաքի ԲԿ:
