Սաուդյան Արաբիայում կոռուպցիոն գործով ձերբակալված երկու արքայազն ազատ է արձակվել
Սաուդյան Արաբիայի հանգուցյալ թագավոր Աբդուլլայ իբն Աբդուլ-Ազիզ ալ Սաուդի կոռուպցիայի գործով ձերբակալված երկու որդիները ազատ են արձակվել: Ինչպես տեղեկացնում է «ՌԻԱ Նովոստի»-ն, հանգուցյալ թագավորի որդիներն են արքայազն Ֆեյսալ բին Աբդուլլահը եւ Մաշաալ բին Աբդուլլահը:
ԶԼՄ-ների հաղորդումների համաձայն` ազատազրկման մեջ գտնվող միակ արքայազնը մնում է Թուրք բին Աբդուլլահը:
Մեկ այլ եղբայր, Միտաբ բին Աբդուլլահը, երեք շաբաթվա հետաքննության արդյունքում նոյեմբերին ազատ է արձակվել:
Սաուդյան Արաբիայի հակակոռուպցիոն նոր հանձնաժողովը, որը ղեկավարում է թագաժառանգ Մոհամմեդ բին Սալմանը, հրամայել էր ձերբակալել 11 արքայազնի և 4 նախարարի: Հետաքննության ընթացքում հարցաքննվել են 320 մարդ , ավելի քան երկու հազար բանկային հաշիվ սառեցվել էր:
Լուսանկարը՝ «ՌԻԱ Նովոստի»
