Իսրայելը Երուսաղեմում Լացի պատի մերձակա կայարանը կկոչի Թրամփի անունով
Իսրայելի տրանսպորտի եւ ճանապարհային երթեւեկության անվտանգության նախարար Իսրայել Կացը հավանություն է տվել Երուսաղեմի Լացի պատից մի քանի տասնյակ մետր հեռավորության վրա երկաթուղային կայարանի շինարարության վերաբերյալ Իսրայելի երկաթուղիների կոմիտեի առաջարկությանը:
Այդ մասին հայտնել է«Եդիոտ ահրոնոտ» թերթը: Նոր կայարանը նախարարը որոշել է կոչել ԱՄՆ-ի նախագահ Դոնալդ Թրամփի անունով, որը դեկտեմբերի սկզբին հայտարարեց Երուսաղեմն Իսրայելի մայրաքաղաք ճանաչելու որոշման մասին:
«Լացի պատը ամենասրբազան վայրն Է հրեաների համար, եւ ես որոշեցի դեպի այն տանող երկաթուղային կայարանն անվանել ԱՄՆ-ի նախագահ Դոնալդ Թրամփի պատվին՝ ի նշան երախտագիտության Երուսաղեմն Իսրայելի մայրաքաղաք ճանաչելու նրա համարձակ ու պատմական որոշման»,-հայտարարել է Կացը, հաղորդել է «Ինտերֆաքս»-ը:
