«300 մլն եվրոն տրանսֆերների համար բավարար չէ «Մանչեսթեր Յունայթեդին»». Ժոզե Մոուրինիո

Շատ փող, ավելի շատ փող: «Մանչեսթեր Յունայթեդի» գլխավոր մարզիչ Ժոզե Մոուրինիոն մեկանաբանել է «Բարնլիի» հետ խաղը:

«Ակումբը մեկ բան է, իսկ ֆուտբոլային թիմը՝ մեկ այլ: Դրանք երկու տարբեր բաներ են: Մենք կազմի վերակառուցման երկրորդ տարում ենք, որը լավագույնը չէր աշխարհում: «Մանչեսթեր Սիթին» եզրային պաշտպաններ գնեց հարձակվողների գնով: Երբ խոսում ես մեծ ֆուտբոլային ակումբների մասին, ապա նկատի ունես նրանց պատմությունը:

300 մլն եվրո՞: Դա բավարար չէ: Գինը մեծ ակումբների համար տարբերվում է մնացածից: Երբ դուք նկարագրում եք այնպիսի համակարգեր, ինչպիսին «Մանչեսթեր Յունայթեդն» է, Ձեզ թվում է, որ «Միլանն» այդքան մեծ չէ՞, ինչպես մենք: Մադրիդի «Ռեա՞լը», «Ինտե՞րը»: Շատ կան մեծ ակումբներ: Դուք նրանց թվարկում եք, և ես գիտեմ՝ ինչ է դա»,- Յուրահատուկին է մեջբերում The Guardian-ը:

Ժոզե Մոուրինիոն աշխատում է «Մանչեսթեր Յունայթեդում» 2-րդ մրցաշրջանը և այդ ընթացքում նա ձեռք է բերել Պոգբային, Մխիթարյանին, Բայիին, Լինդելյոֆին, Լուկակուին և Մատիչին: Զլատան Իբրահիմովիչը «Մանչեսթեր Յունայթեդ» է տեղափոխվել անվճար:

Պատրաստեց Անի Գաբուզյանը