Սինգապուրում հեծանիվների վարձույթ կներդրվի բիթքոյններով
Սինգապուրում հեծանիվների վարձակալության խոշորագույն ընկերություններից մեկը՝ oBike-ը, հայտարարել է եկող տարվանից սեփական գաղտնարժույթը՝ oCoins-ը, ներդնելու մտադրության մասին, որի միջոցով կարելի կլինի վճարել ծառայությունների դիմաց: Ինչպես ասված է ընկերության հայտարարության մեջ, դրա համար կօգտագործվի Tron բլոքչեյն-պլատֆորմը։
«Դա կլինի առաջին նման փորձն աշխարհում, երբ հաճախորդները կկարողանան ոչ միայն պարզապես օգտվել տրամադրվող ծառայություններից, այլեւ փող վաստակել»,- ընդգծել են ընկերությունում: Օրինակ՝ որքան երկար է վարձակալման տեւողությունն, այնքան ավելի շատ oCoins կարող է ստանալ հաճախորդը:
Արդյունքում ստացված բիթքոյնները կարելի կլինի օգտագործել վարձակալման հետագա վճարման կամ այլ բաների համար:
Tron բլոքչեյն-պլատֆորմն 18-րդ տեղն է զբաղեցնում գաղտնարժութների խոշորագույն առեւտրական հարթակների ցուցակում, դրա կապիտալացումը գնահատվում է 2,6 միլիարդ դոլար, հաղորդել է ՏԱՍՍ-ը:
