Ժոզե Մոուրինիոյի տղան «Բարսելոնայի» հաղթանակից հետո հեգնել է մադրիդյան ակումբին
Իսպանական Լա Լիգայի վերջին տուրում կայացավ ամենասպասված խաղը՝ Կլասիկոն: Կատալոնական «Բարսելոնան» այս խաղում՝ հատկապես երկրորդ խաղակեսում, հրաշալի գործեց և կարողացավ հաղթել խոշոր հաշվով՝ 3:0:
Պարզվում է, մադրիդյան ակումբի նախկին մարզիչներից մեկի՝ Ժոզե Մոուրինիոյի որդին կատալոնական ակումբի մեծ երկրպագու է: Խաղավարտից հետո, նա լուսանկար է տարծել սոցցանցերում, որտեղ կատալոնական ակումբի շապիկով է: Լուսանկարին կից գրառմամբ Մոուրինիոյի որդին հեգնել է մադրիդյան ակումբին՝ պարզապես գրելով «շնորհակալություն» և «ցտեսություն» բառերը:
Նշենք, որ նման բառերով երգ են երգում կատալոնական ակումբի երկրպագուները, քանի որ այս պահին մադրիդյան ակումբը զիջում է կատալոնացիներին 14 միավորով: Ըստ կատալոնացիների՝ մադրիդյան ակումբը պետք է ցտեսություն ասի Լա լիգան հաղթելու հույսերին:
Սիրարփի Աղաբաբյան
