Դամասկոսում նոր օդանավակայան կկառուցեն
Սիրիայի իշխանությունները պլանավորում են նոր օդանավակայան կառուցել Դամասկոսում, որը կփոխարինի գրեթե 50 տարի առաջ կառուցված հին օդանավակայանին: Այդ մասին ՌԻԱ Նովոստիին տված հարցազրույցում հայտնել է երկրի տրանսպորտի նախարար Ալի Համուդը:
«Կառուցվելու է Դամասկոսի նոր օդանավակայանը: Ներկայիս օդանավակայանը կառուցվել է 1970 թվականին, դրա թողունակությունը փոքր է: Ուստի մենք մտադիր ենք պատրաստել նոր օդանավակայանի նախագիծ, որն ավելի կհամապատասխանի Դամասկոսին»,- հայտարարել է նախարարը:
Համուդը չի ճշտել նոր համալիրի կկառուցման կոնկրետ ժամկետը: Մինչեւ Սիրիայում պատերազմի սկսվելը Դամասկոսի օդանավակայանը ոչ միայն ամենախոշորն էր երկրում, այլեւ տարածաշրջանում: Այժմ 12 ինքնաթիռներից աշխատանքային վիճակում են միայն հինգը, մնացածները վնասվել են մարտական գործողությունների ընթացքում:
Դամասկոսից միջազգային չվերթեր են իրականացվում միայն Իրան, Լիբանան, Հայաստան եւ Ռուսաստան: Օդանավակայանի տնօրեն Բաշար Գաֆրան հուլիսին հայտնել էր, որ օդային նավահանգիստը նախքան պատերազմը տարեկան սպասարկում էր մոտավորապես 4 մլն ուղեւորների, այժմ՝ կես միլիոնից ոչ ավելի ուղեւորների:
