Կառավարությունը գումար կհատկացնի Արմավիրում հրդեհից անօթևան մնացած 11 ընտանիքին
ՀՀ կառավարությունը գումար կհատկացնի Արմավիրի մարզում հրդեհից տուժած ընտանիքների կացության հարցը լուծելու նպատակով։
Գործադիրի այսօրվա նիստի ընթացքում ՀՀ տարածքային կառավարման և զարգացման նախարար Դավիթ Լոքյանն ասաց, որ հոկտեմբերի 22-ին Արմավիրի մարզում հրդեհի արդյունքում 11 ընտանիք է անօթևան մնացել, ովքեր տեղավորված էին «Ֆուրնիտուր» գործարանի փայտյա շենքում։
«Որպեսզի կարողնանանք ձմռան այս շրջանն այդ մարդկանց կացարանով ապահովել, գումար ենք հատկացնում, որպեսզի բնակարան վարձակալվի»,- ասաց Դավիթ Լոքյանը՝ մեկ օր ժամանակ խնդրելով մարզում գների ճշգրտում կատարելու նպատակով։
