Ջրասույզները գտել են Կրասնոդարում ավտոբուսի՝ ծովն ընկնելու հետևանքով անհետ կորած տղամարդու դին
Ջրասույզները գտել են տղամարդու դին, որը Կրասնոդարի երկրամասում ավտոբուսի ծովն ընկնելու պատահարի հետևանքով անհետ կորած էր համարվում: Այս մասին ՏԱՍՍ-ին հայտնել է փրկարար ծառայության ներկայացուցիչը:
Այդպիսով, վթարի հետևանքով զոհերի թիվը հասնում է 18-ի, նրանցից երկուսը ազգությամբ հայեր են: «Մենք գտել ենք նրա մարմինը: Հիմա նրան ջրից հանում են»,- ասել է գործակալության զրուցակիցը: Տղամարդու դին գտնելու տեղեկատվությունը պաշտոնապես հաստատել են նաև ՌԴ արտակարգ իրավիճակների նախարարության տարածքային կառույցում:
