Ամերիկյան օդուժը կհամալրեն շուրջ հազար թևավոր միջուկային հրթիռներ
ԱՄՆ-ի ռազմաօդային ուժերը Lockheed Martin և Raytheon կորպորացիաների հետ կնքել են ամերիկյան ռազմավարական զինանոցի համար նոր միջուկային թևավոր հրթիռի մշակման պարտավորագրեր: Օգոստոսի 24-ին այս մասին հաղորդել է Reuters-ը:
Յուրաքանչյուր համաձայնագրի արժեքը կազմում է 900 միլիոն դոլար: Չորսուկես տարում երկու ընկերությունները պետք է առանձին-առանձին մշակեն թևավոր հրթիռի նախատիպ հեռահար շառավղով ռմբակոծիչների համար: Այնուհետև զինվորականները կընտրեն իրենց համար առավել համապատասխան տարբերակը:
Պլանավորվում է գնել շուրջ հազար թևավոր հրթիռ, ծրագրի ընդհանուր արժեքը գնահատվում է 10 միլիարդ դոլար:
