Հայտարարվել է բոլոր ժամանակների լավագույն կատակերգական ֆիլմը
Բիլլի Ուայդերի «Ջազում միայն աղջիկներ են» ֆիլմը համարվել է բոլոր ժամանակների լավագույն կատակերգությունն ըստ քննադատների վարկածի, որոնք մասնակցել են «BBC» հրատարակության կազմակերպած հարցմանը: 200 կինոժապավեններից բաղկացած ամբողջական ցուցակը հրապարակված է պորտալի կայքում:
1959 թվականի կինոնկարում նկարահանվել են Մերիլին Մոնրոն, Թոնի Քյորտիսը և Ջեկ Լեմոնը: Դրանում պատմվում է երաժիշտների մասին, որոնք աղջիկներ են ձեւանում՝ թաքնվելով գանգստերներից:
Երկրորդ տեղում է Սթենլի Կուբրիկի «Դոկտոր Սթրեյնջլավը կամ Ինչպես ես սովորեցի չհուզվել և սիրեցի ատոմային ռումբը»: Երրորդ հորիզոնականն զբաղեցրել է Վուդի Ալենի «Էննի Հոլ» ֆիլմը:
Առաջին տասնյակ են մտել նաև «Արջամկան օրը», «Բադի ապուր», «Բրայանի վարքն ըստ Մոնտի Փաթոնի», «Աերոպլան», «Զվարճությունների ժամանակը», «Սա Spinal Tap-ն է» և «Գեներալ» ֆիլմերը:
Վարկանիշը կազմելիս հրատարակության հարցմանը մասնակցել են 253 կինոքննադատներ 52 երկրներից:
