«Եթե ինչ-որ մեկը պատրաստ է Մեսսիի համար վճարել 300 մլն եվրո, նշանակում է՝ նա դա ունի». Պեպ Գվարդիոլա
«Մանչեսթեր Սիթիի» գլխավոր մարզիչ Պեպ Գվարդիոլան չի հերքել «քաղաքայինների» կողմից «Բարսելոնայի» հարձակվող Լիոնել Մեսսիին 300 մլն եվրոյով ձեռք բերելու հնարավորությունը: Ավելի վաղ հաղորդվել էր, որ անգլիական ակումբը պատրաստ է վճարել «կապտանռնագույններին» Մեսսիի պայմանագրում նախատեսված հրաժարագնի ամբողջ գումարը:
«Էվերթոնի» հետ խաղից հետո (1:1) Պեպ Գվարդիոլային մամուլի ասուլիսի ժամանակ համապատասխան հարց է տրվել հնարավոր տրանսֆերի կապակցությամբ. «Եթե ինչ-որ ակումբ պատրաստ է Մեսսիի համար վճարել 300 մլն եվրո, նշանակում է՝ նա դա ունի»,- պատասխանել է Գվարդիոլան, ում խոսքերն է մեջբերում Sport.es-ը:
Լիոնելի գործող պայմանագրի ժամկետը «կապտանռնագույնների» հետ լրանում է 2018 թվականին:
Պատրաստեց Անի Գաբուզյանը
