ԱՄՆ-ի պաշտպանության նախարարը չհայտարարված այցով ժամանել է Իրաք
ԱՄՆ-ի պաշտպանության նախարար Ջեյմս Մեթիսը չհայտարարված այցով ժամանել է Իրաք: Այդ մասին հայտնել է Reuters գործակալությունը:
Նշվում է, որ Մեթիսը Իրաք է ժամանել հանդիպելու երկրի ղեկավարների հետ և քննարկելու հետագա քայլերը «Իսլամական պետություն» ահաբեկչական խմբավորման դեմ պայքարում:
Իրաքի իշխանությունները հուլիսի սկզբին պաշտոնապես հայտարարել են Մոսուլում ԻՊ-ի դեմ հաղթանակ տանելու մասին, որի ազատագրման գործողությունը շարունակվում էր 2016 թվականի հոկտեմբերից:
Թալ Աֆար քաղաքի ազտագրման գործողությունը երկրի կառավարության ղեկավար Հայդեր ալ Աբադիի հրամանով սկսվել է օգոստոսի 20-ին, հաղորդել է ՌԻԱ Նովոստին:
